E paar sportlichi, vo de Fraue Brüttiselle sind deby
Am Mittwoch 5. Auguscht bi schönschtem Sunneschy
A gseit isch e Gnüsser-Velo-Tour is Restaurant Buurehuus
Es gat duruf, bis nach Wermatswil, da bruchsch de pfuus
Schnell vergässe isch de Chrampf im lauschige Garte
Mit em Blick i die grossi und schöni Glacecharte
Da hätt sich s trampe mit em Velo uf jede Fall glohnt
Die verdiente Pause wird drum grad mit emen Coup belohnt
Erfüllt nach de körperliche Betätigung, mit schnäderer und schmause
Löhnd mir eus uf em Heiweg, namal gnüsslich de Wind um d Ohre sause
